ఊర్వశి – పురూరవ: ఒక ప్రస్తావన-పునర్వీక్షణ (2)

ఒకటి

ప్రతి మానవుని అంతఃకరణంలో ఒక స్వప్నలోకం ఇమిడి ఉంటుంది.  చేతనలో ప్రత్యక్షానుభవాలకూ, అనుభూతులకూ కళ్ళు గవాక్షాలుగా మెలుగుతాయి.  చేతనో, అచేతనో తెలియనటువంటి ఒక సందిగ్ధ చేతనావస్థలో కలిగే అనుభూతులకు స్వప్నం గవాక్షమనుకుంటే, ఆ గవాక్షంలోంచి తమకంతో ఆవలి వైపుకు తొంగిచూసే ప్రయత్నం చేసిన ఒక తృషితుడికి, ఆవలి వైపు కనిపించిన చిత్రం – ఊర్వశి.

మహా సౌందర్యవతి.  ముగ్ధుడై అతడామెను ఆహ్వానించాడు.  ఆమె రానన్నది.  అతడు రావలసిందే అన్నాడు.  ఆమె మళ్ళీ రాననే అన్నది. అతడు రెట్టించాడు.  ప్రతిగా ఆమె ఒకసారి బాగా ఆలోచించుకోమన్నది.  బాగా అలోచించుకునే అడుగుతున్నానన్నాడితడు.  నన్ను నువ్వు భరించలేవు అన్నదామె.  అతడు పరిహాసంగా నవ్వి, ఊహించుకున్న వాడిని భరించలేనా? అన్నాడు.  పిచ్చివాడా, ఊహ వేరు, భరించడం వేరు. మళ్ళీ ఒకసారి ఆలోచించుకోమన్నదామె.  అతడు వినలేదు.  మోహుడా, నేను తప్తను. ఇలా పడిఉన్న దానిని ఇలాగే ఉండనీ, నన్ను కదిలించకు. నా స్పర్శ నీకంత మంచిది కాదు. నన్ను వహించి పరితప్తుడవౌతావు అని హెచ్చరించిందామె.  పరవాలేదు, నాకా సుఖం కావాలి అన్నాడితడు.  సుఖం కాదది, దుఃఖం, భరించలేవు అంది.  భరించగలను, నీకేం తెలుసు, ఏ దుఃఖమూ లేకుండా బతుకు ఎంత దుర్భరంగా ఉందో? అన్నాడు.  అలాగా, మూర్ఖుడా, అయితే అనుభవించు, నీ కర్మ. నీ లాంటి ఇంకొకడిని సృష్టించికోవడానికి సిధ్ధంకా, అంటూ ఆమె
కదిలింది.  ఆనందం పట్టలేక అతడూ కదిలిపోయాడు.  ఊహారూపయై అతడి హృదయంలో కుదురుకుందామె.

మరుక్షణం హతాసుడై పడిపోయాడతడు.

ప్రకటనలు

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s