ఊర్వశి – పురూరవ: ఒక ప్రస్తావన-పునర్వీక్షణ (3)

రెండు

ఎన్నాళ్ళతరువాతనో తెలివొచ్చి “ఇంత బాధా?” అన్నాడతడు.
“చెప్పానా?” అందీమె.
“తెలుసుకోలేక పోయాను. ఎవ్వరికీ తెలీకుండా నేనొక్కడినే ఇంత సౌందర్యపు బాధను అనుభవించలేను!” అన్నాడు.
“మరిప్పుడేమిటి?” అందీమె.
“నన్నొదిలి వెళ్ళిపో!” అన్నాడతడు.
“జరగని పని అది.  నేనేమిటో ఎవ్వరికీ తెలియకుండా పడిఉన్నంత వరకూ నాకే చింతనా లేదు. నిన్ను చూస్తుంటే నెనింతటి బాధనేనా? అనిపిస్తోంది. ఇప్పుడు నిన్ను నేను వదలను!” అందీమె.
“అర్ధమైంది. ఒక్క క్షణం ఆగు.  నీకో చిత్రం చూపిస్తాను” అంటూ ఒక్కక్షణం కళ్ళు మూసి తెరిచి “అటు చూడు!” అన్నాడతడు.
చూసిందామె.
అలవిమాలిన శోకంతో ఉన్నాడక్కడ మరొకడు, వీరుడు.
“ఎవరతడు…ఎందుకా శోకం?” ప్రశ్నించిందామె.
“నన్ను నేను తిరగరాసుకో మన్నావుగా…రాసుకున్నాను.  దగ్గరగా వెళ్ళి చూసుకో!” అన్నాడు.
“ఊహూ…అంత తొందరగానా…ఇంకాసేపు విలపించనీ…వలపించడంగురుంచి తరవాత ఆలోచిద్దాం!…ఇంతకీ ఎవరతడు?” అడిగిందామె.
“పేరు పురూరవుడు. మహావీరుడు…అదిచూసేగా నువ్వూ అతడిని ప్రేమించిందీ!” అన్నాడితడు.
“నేనా? ఇదెప్పటిమాట?” ప్రశ్నించిందామె.
“నీ జ్ఞాపకాలలో ఇంకా పుట్టలేదులే అది…ఇప్పుడేగా నా ఊహలో ఊపిరిపోసుకుందీ!” అన్నాడితడు.
“వలపన్ని నన్ను బంధించే యత్నం చేస్తున్నావా ఋషీ?” అంటూ ఒక్క క్షణం కళ్ళు మూసుకుందామె.


ప్రకటనలు

2 thoughts on “ఊర్వశి – పురూరవ: ఒక ప్రస్తావన-పునర్వీక్షణ (3)

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s