తెలుగు – భాష, ఛందస్సు, వ్యాకరణం: కొన్ని సంగతులు (2)

తెలుగులో ఎక్కడకూడ రెండు అచ్చులు ఒకదాని పక్కన మరి ఒకటి ప్రకృతి భావమునందు ఉండగా, అనగా సహజ స్థితిలో ఉండగా ఉండగూడదని మన వైయాకరణుల సిధ్ధాంతం. ఇలాంటి నియమం ప్రాకృతంలోగాని, హిందీ మొదలగు భాషలలో గాని లేదు.

రెండు అచ్చులు ఒక్క చోటకు వచ్చి కలుసుకొనుటకు వీలులేనప్పుడు, ఉచ్చారణ సౌకర్యార్ధమై నడుమ ఒక ‘న’ కారమును తెచ్చి పెట్టుట సంస్కృతాది ఆర్యభాషలలో కనిపిస్తుంది.  అ (న్)+ఆదరః = అనాదరః, ఇత్యాదిగ. ఇక్కడ వచ్చి చేరిన ‘న’ కారమును ద్రుతము అంటారు.  ద్రుతమనగా ద్రవించునది.  కరిగిపోవునట్టిది.  అవసరమైతే ఉంటుంది. అవసరం లేకుంటే ఉండదు.

ఇంగ్లీషు భాషలో కూడ అచ్చులు మొదటనుండు శబ్దములకు ముందు ‘an’ వస్తుంది.  ఇది ‘న’కారము, ద్రుతము లాంటిదే.  గ్రీకు భాషలో కూడ ఇలాంటి ‘న’కార ద్రుతము ఉందని చెబుతారు.

ద్రుతానంతరము పరుషములు (క చ ట త ప) సరళములు (గ జ డ ద బ) అవుతాయి.  ఇది తెలుగు భాషలో విలక్షణంగా వృధ్ధి చెందిన లక్షణంగా చెబుతారు.

తెలుగు భాషలో ‘డు’ అచ్చ తెనుగు ప్రత్యయము.  ఆర్య భాషలలో గాని, ద్రవిడ భాషలలో గాని వేరెచ్చటనూ కానరాదు.  పురుష వాచకమగు ఈ ప్రత్యయము తెలుగులో ప్రత్యేకంగా ఏర్పడినదని చెబుతారు.  దీనికి పూర్వ రూపమైన ‘వాండు’ ఇప్పటికీ వంటవాడు, చాకలి వాడు, మంచివాడు మొదలైన పదములలో మిగిలిఉండి కనిపిసుంది.  ఇలాంటిదే అల్లువాడు, ‘వా’ లుప్తమై అల్లుడు గా మిగిలింది.

ఆంగ్లమున నలభైరెండు ధ్వనులున్నట్లు అంచనా వేయగా, అక్షరములు ఇరవై ఆరు మాత్రమే ఉన్నాయి.  తెలుగులో అక్షరములు యాభై ఆరు, అంటే రెండింతలు కంటే ఇంకా నాలుగక్షరాలు ఎక్కువ, ఆంగ్లంలో ఉన్న ధ్వనుల కంటే పధ్నాలుగు ఎక్కువ.  ఇంగ్లీషు మాటలను వాటి ఉచ్చారణకు తగినట్లుగానె తెలుగులో వ్రాయటం ఇందువలన తేలికగా సాధ్యమౌతుంది.

ప్రకటనలు

3 thoughts on “తెలుగు – భాష, ఛందస్సు, వ్యాకరణం: కొన్ని సంగతులు (2)

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s