లేని ఎంకి – ఉన్న నాయుడుబావ (1)

ప్రవేశిక

ఎంకి పాటలను గురించి తెలియని, కనీసం వినని, తెలుగు పాఠకుడుండడు అంటే అతిశయోక్తి కాదు.  ఎంకి తెలుగుదనానికి, పల్లెదనానికీ ప్రతీక.  తెనుగింటి ముంగిట సిరులు పండించి సౌభాగ్యాన్ని నట్టింట నర్తింపజేసిన వనలక్ష్మి లాంటిది ఎంకి.  ఎంకి సున్నితత్వానికి, సహజత్వానికి ఏమాత్రం బాధ కలగకుండా అక్షర రూపాన్నిచ్చి గౌరవించిన మహానుభావుడు కీ.శే.నండూరి సుబ్బారావు గారు. అయితే, అందుకు కృతజ్ఞతగానేమో నన్నట్లు ఎంకి ఆయనతో పాటే తెనుగింటిని విడిచి వెళ్ళిపోయిందేమో ననిపిస్తుంటుంది ఒక్కొక్కప్పుడు. నిదర్శనంగా ఎంకి ఎడబాటుతో ఒంటరివాడై క్షోభిస్తూన్న నాయుడుబావ హృదయానికి ప్రతిబింబాల్లా నేడు అతివృష్టి అనావృష్టి దోషాల ఫలితంగానూ, ఇంకా ఇతరత్రా కారణాల మూలంగానూ కరువుకాటకాల్తో కొట్టుమిట్టాడుతూన్న కొన్ని ఆంధ్ర దేశపు పల్లెటూళ్ళ ఆనవాళ్ళు ఈ నిజాన్నిచెప్పకనే చెబుతాయి.  ఆ బాధనుంచే ఈ పాటలు పుట్టాయి.  ఒంటరివాడై దిక్కుతోచక ఈ పాటల్ని పాడుకుంటున్న నాయుడుబావ హృదయవేదన నేటి ఏ పల్లెటూరి నాడిని మీటినా వినిపిస్తుంది, కనిపిస్తుంది.

***

వెన్నలో పుట్టింది  వెన్నెల్లో పెరిగింది…

వెన్నలో పుట్టింది   వెన్నెల్లో పెరిగింది
ఎంకి నా గుండెలో  వెలుగుల్ని నింపింది
గంగి గోవూ లాంటి  గుణవంతురా లెంకి
కన్నెర్ర జేసింది   కత మారి పోయింది

మబ్బు తునకా విడదు   మసక చీకటి పోదు
కుంటి దీపపు వెలుగు   కంటి నిండా పడదు

గుండె నిండా బరువు   గొంతు పిగిలీ పాట
కన్నీళ్ళ మధ్య నా   ఎంకి ఏదను మాట

కునుకు పడనీ రేయి   కలత వీడని పవలు
ఎందుకే నా ఎంకి   ఎందుకీ బతు కసలు

వెన్నలో పుట్టింది    వెన్నెల్లో పెరిగింది
ఎంకి నా గుండెలో   వెలుగుల్ని నింపింది
గంగి గోవూ లాంటి   గుణవంతురా లెంకి
కన్నెర్ర జేసింది   కత మారి పోయింది.

ప్రకటనలు

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s