పాట: నా వచన కవితలు (16)

పాట

నిన్ను పాటగా పాడుకొనేందుకే
నేను ప్రేమికుడినవుతూంటాను
తెచ్చి పెట్టుకున్న విరహాలతో
ఎప్పటికప్పుడు తప్పతడుగులు వేస్తూ సాగే ప్రేమలోకి
అదే పనిగా అడుగెడుతూంటాను

ప్రేమ  కంటే ముండు పాటకు బందీ నవడం
నా చేతలలో జరిగిన తప్పిదం కాదు
ఒక స్వప్నం లాంటి సందర్భాన్ని రాజేసుకుని
రోజుల తరబడిగా సుదీర్ఘ సమ్మోహానికి డస్సి పడిపోవడం
నేను నీకు చెప్పుకుంటే తీరే సందేహమూ కాదు

నాటకం మొదలవడానికి సూచనగా
లేచే తెర ముందు నీవుంటావు
వెనక వేషధారినై నేనుంటాను
పురూరవునిలానో పురుకుత్సుడిలానో
రంగస్థలం మీద యెన్నెన్నో యాతనలను తలకెత్తుకుని
ప్రేమను ప్రజ్వరిల్ల జేస్తుంటాను

తెర దించే సమయానికి
ముందు నీవెలా ఉన్నా
వెనుక నేను నేనులా మిగలను
ఒక మోహాన్ని కడిగేయడం
ఒక వేషాన్ని తుడిచేయడమంత తేలిక కాదని
తెలుస్తూనే ఉంటుంది

అయినా పాటలోని పరవశం
పరిపరి విధాలుగా నన్ను నీ నుంచి దూరం చేస్తూనే ఉంటుంది.
ఇప్పటికే శతాధికంగా క్షతాలైన మోహాన్ని
పాటకొకసారి మచ్చిక చేసుకుంటూ
మరో వేషానికి మొహాన్ని తయారుచేసుకుంటుంటాను.

ప్రకటనలు

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s